https://youtu.be/y2KygESoZ_I?si=1cdyzEQRBg47V6R4

ఏముంది చెప్పడానికి.. నీగురించి కొత్తగా
ఏముంది విప్పడానికి ..నీ గుట్టు తెలియనట్టుగా
యదుకులబాలా..హే నందలాలా
గోపీలోలా గిరిధరగోపాలా

1.చిన్ననాట నీనోట జగతిని చూపావట
వెన్నముద్దలన్నీ వేడ్కగ దోచావట
జలకమాడు పడతుల వలువలు దాచావట
ప్రార్థించిన పాంచాలికి చీరలిచ్చి కాచావట
మధుసూదనా హే వాసుదేవా
పురుషోత్తమా పాండురంగ విఠలా

2.కుచేలుణ్ణి ఆదరించి మైత్రి విలువ నిలిపావట
కుబ్జను కనికరించి మానవతను చాటావట
రాధతోడికూడినీవు పరమ ప్రేమ నేర్పావట
బ్రతుకుసారమంతనీవు గీతలోనె తెలిపావట
అచ్యుతా అనంతకృష్ణ హేమాధవా
గోవిందా హరి ముకుంద జగన్నాథ జనార్ధనా