https://youtu.be/DYUpalYKsCE

మనిషిగ పుట్టి దేవుడివైనావో
దేవుడివైనా ఇలపై మనిషిగ మాకై పుట్టావో

నాకేమిచ్చావు ఇంకేమిస్తావు

నిశ్చింత నిచ్చావు 
సాయిరాం షిర్డీ సాయిరాం
సాయిరాం ద్వారకమాయిరాం

1.తప్పటడుగులను తప్పించి చేయూత నిచ్చావు
దారీతెన్నూ తెలియని వేళల దిక్సూచి వైనావు
తీరం దొరకని నావల పాలిటి దీపస్తంభము నీవు
భారం మోసి గమ్యం చేర్చే మార్గదర్శివి నీవు
సాయిరాం షిర్డీ సాయిరాం
సాయిరాం ద్వారకమాయిరాం

2.అందరు ఉన్న అనాధనీవు అనాధలందరి బంధువువు
బిచ్చమునెత్తే యాచకుడవు కోరినదొసగే దాతవునీవు
బూడిదతోనే వ్యాధులు మాన్పే ఘన సిద్ధవైద్యుడవు
మననముతోనే మహిమలు చూపే ఐంద్రజాలికుడవు
సాయిరాం షిర్డీ సాయిరాం
సాయిరాం ద్వారకమాయిరాం