"అందరి బంధువు"

అనాధవెన్నటికీ కావునేస్తం
ఏకాకిగ తలపోయకు నీదేఈ సమస్తం
విధాత రాసిన నుదుటి రాత మార్చివేసి
కరువైన కన్నవారి లోటే పూడ్చివేసి
 నిను వెన్నంటి ఉంటుంది మానవలోకం
నీకు చేయూత నందించి మాన్పుతుంది గుండె శోకం

1 .పూర్తిగా చావలేదు  మానవత్వము
అంతరాల్లొ దాగుంది ప్రేమతత్వము
వితరణ చాటుతుంది దాతృత్వము
జాలిని ఆశించక కసిని పెంచుకోక
తీర్చిదిద్దుకో ఉన్నతంగ వ్యక్తిత్వము
నిను వెన్నంటి ఉంటుంది మానవలోకం
నీకు చేయూత నందించి మాన్పుతుంది గుండె శోకం

2.ఆకలికెపుడు లొంగి దొంగగా మారకు
ద్రోహుల చెంతజేరి నేరాలకు పాల్పడకు
తేరగా వస్తుందని బిచ్చగాడివైపోకు
శ్రమనెప్పుడు నమ్ముకో కృషిచేస్తూసాగిపో
ఆత్మవిశ్వాసమే గెలుపుమూలమని మరువకు
నిను వెన్నంటి ఉంటుంది మానవలోకం
నీకు చేయూత నందించి మాన్పుతుంది గుండె శోకం