మురళిని నేనౌతా మోహన మురళిని నేనౌతా
నీ పెదవుల మధువులు గ్రోలగ
లాలించరా మురిపాల తేలించరా
మ్రోయించరా తపనలు తీరగ
పలికించరా సరసరాగాల నొలికించరా

రవళిని నేనౌతా నీ అందెల రవళిని నేనౌతా
నీ పదముల పదనిస లలరగా
పాలించవే నను పరిపాలించవే
నీ ఒడిలో బడలిక మరవగ
స్పర్శించవే మేనంత స్పృశియించవే

దేహము రాధగ మాధవ జీవము
రాధే ఆత్మగ నంద గోపాలం
అద్వైతామృత మధుపానీయమె
రాధాకృష్ణా రాస లీలావినోదం

క్షీరభాండ ప్రియం పూతనమర్దనం
యదుకుల జనరంజకం ఆనంద వర్ధనం
గోపికా మానస నవనీత చోరం
మీరా హృదయ బృందావన విహారం