రచన,స్వరకల్పన&గానం:రాఖీ

చలనం లేని శిలవైనావు
స్పందన ఎరుగని ఎదవైనావు
ఉలులెన్ని విరిగాయో నిను చెక్కలేక
కలలెన్ని కరిగాయో నువు కానరాక

1.అమావాశ్య బ్రతుకే నాది
తెల్లారని రేయి నాది
వేగుచుక్కలాగా తట్టిలేపుతావు
మలయమారుతానివై చుట్టుముట్టుతావు
ఎంతకూ పొద్దుపొడవదు
వింతగా లిప్తగడవదు
తూర్పు తలుపు తెరవకనే దినం గడచును
మేలుకొలుపు తెలియకనే నిద్ర కమ్మును

2.పరిచయాలె సరిగమలై
స్నేహితాలె పికగీతాలై
జీవితాన సంగీతం జలపాతమవ్వాలి
అనుభూతుల సుమగంధాలే విరజిమ్మాలి
నీచర్యలు చిత్రమైనవి
నీ చేష్టలు ఆత్రమైనవి
తప్పుకపోతుంటే నన్ను  సెలుకుతుంటావు
ముట్టుకోబోతుంటే నువు ముడుచుకుంటావు