https://youtu.be/OGklIEuyh2g?si=At7JPfoXTbJEw0xK

రచన,స్వరకల్పన&గానం:డా.గొల్లపెల్లి రాంకిషన్ రాఖీ

తీరదు ఋణము నను గన్న మా అమ్మది
తీరదు ఋణము నడిపించు మాయ'మ్మది

కడుపు చించి జన్మనిచ్చినందుకు
కడలి దాటించి దరిచేర్చునందుకు

1.స్తన్యమిచ్చి నా బొజ్జనింపింది
కంటికి రెప్పలా ననుకాచింది
తననోరుకట్టుకొని కోరినదిచ్చింది
కథలుచెప్పి జోలపాడి
నన్ను నిదురపుచ్చింది

నిస్వార్థపు సేవచేసి
ప్రేమగా పెంచింది
తనకుతాను మొత్తంగా
నాకే బ్రతుకు పంచింది

2.స్థిరమైన చిత్తముతో
చిత్ర పటము చూడలేదు
ఏకాగ్ర దృక్కులతో
తల్లి ప్రతిమ దాల్చలేదు
స్తోత్రాలు మంత్రాలతొ
అంబనుపూజించలేదు
మనసుపెట్టి ఎన్నడు
మాతను ధ్యానించలేదు

ఎందుకో జగజ్జననికి నాపై అనురాగం
ఏ పుణ్య విశేషమో
కవిగాయక ఘనయోగం