శ్రీ వేంకటేశా అనినంతనే తొలగును పాపాలు
శ్రీనివాసా అని అర్థించగనే కలుగును సిరిసంపదలు
ఆపదమెక్కులవాడా అని తలవగనే అంతరించు ఇక్కట్లు
ఏడుకొండలవాడా అంటూ వేడగనే వీడను మదిచీకట్లు
నమో వేంకటేశా నమో శ్రీనివాసా
గోవిందా హరి నమో నారాయణా

1.బంగారు శిఖరాల అలరారు ఆలయం
భువిలోన వెలసిన అపర వైకుఠం
సప్తగిరులపై వెలసిన స్వామి చిద్విలాసం
దర్శించగ  తరియించును మన జీవితం
నమో వేంకటేశా నమో శ్రీనివాసా
గోవిందా హరి నమో నారాయణా

2.కోట్లమంది భక్తులకు స్వామి ఎడల విశ్వాసం
నిలువుదోపిడనునది భవబంధమోచనం
తలనీలాలీయగా సమయు అహంభావం
అడుగడుగు దండాలతొ జన్మ సాఫల్యం
నమో వేంకటేశా నమో శ్రీనివాసా
గోవిందా హరి నమో నారాయణా