పడవే నీవిక వానా
పడవే పల్లెలలోనా
పడవే మాకు ఆటవస్తువు కాగా
కాగితపు పడవే పిల్లకాల్వలో సాగా

1.జలజలరాలే చినుకుల్లోనా
బిలబిల పిల్లల పలుకుల్లోనా
వానావానా వల్లప్పా
చేతులుచాపే చెల్లెప్పా
గిరగిర తిరుగుతు గంతులు వేయ
తడితడి దుస్తుల నర్తన లాడ

2.వెలిసీవెలియని వర్షంలోనా
ఇసుక మేటల కుప్పల్లోనా
పాదము జొనిపి ఇసుకను కప్పి
పిచ్చుక గూళ్ళే ఒడుపుగ కట్టి
పుల్లలతోని ఎరలను కదిపి
ఆరుద్ర పురుగుల పెటెలొ పెట్టగ