చీరకట్టు నుదుట బొట్టు
ఆకట్టుకుంటాయి చూపరులను
నా అందం నా ఇష్టం అంటూ
పట్టించుకోకపోతె ఎలా పరులను

1.బొంత పురుగు వింతగా
రంగులు సంతరించుకొని
సీతాకోకచిలుకవగా
కాంతలంత ఎందుకో
విదేశీవస్త్రాల మోజులో
కోక కట్టుకోక కులుకుదురుగా
దాగీ దాగనిదే కదా సౌందర్యము
విప్పికుప్పబోసాక ఏమున్నది మర్మము

2.సిగలోన మల్లెపూల చెండు
మతినే మత్తిలజేయుచుండు
పాపిట ధరియించిన సింధూరము
ఇనుమడింపజేయును స్త్రీ ఎడ గౌరవము
నగవులే పసిడి నగలు
క్రీగంటి చూపుల్లో వగలు
భారతీయ సంస్కృతి తెలుగు సంప్రదాయరీతి
జగతిలోనె గడించెను ఎనలేని ఖ్యాతి