రచన,స్వరకల్పన&గానం:రాఖీ

నా ప్రేమకు లేనె లేదుకొలమానం
నాప్రేమకు ఊహించలేవు పరిమాణం
కాలానికి అందనిది విశ్వానికి చెందనిది నాప్రేమ
దివ్యానుభూతికి అదేఅదే ఏకైక చిరునామా

1.చెలి పాదం కందిపోకుండా
అందరూ ఉంచుతారు అరచేయి
గుచ్చుకుంటాయేమో చేతికున్న ఎముకలని
నీకై నేనుంచెద ప్రియతమా నా హృదయమే..

2.చెలిని గని తొలిచూపులోనే వలచి
అర్పించెదరు ఎవరైనా మనసుని
ప్రియ సఖీ చంద్రముఖీ నేను సిద్ధపడ్డాను
నా పంచప్రాణాలే ధారబోయగా నీకని

3.జన్మకు సరిపడ ప్రేమను నెచ్చెలిపై
కురిపిస్తారు ఇతరత్రా ప్రేమికులు
ఏడేడు జన్మలకైనా ఓ నా ప్రేయసీ
ఆగిపోదు ప్రణయవృష్టి సృష్టి మునిగినా