ఎందుకు స్వామీ నీనుండి దూరంగ
నను విసిరివేసావు ఈ భువిని చేరంగ
తలపోసినావా నను నీకే భారంగ
అనాథనైతినే కరుణాంతరంగా

1.నువ్వూ నేనూ ఏకైకంగా
నీవే నాకూ ఒకలోకంగా
కాలము స్థలము కడు శూన్యంగా
ఆనందానికి విలాసంగా
గడిపితినయ్యా నీ సన్నిధిలో
తలచితి నిన్నే నా పెన్నధిగా
ఎందుకు స్వామీ నను వీడితివి
దేనికి స్వామీ నను మరచితివి

2.భవబంధాలను అంటగడితివి
సంసార జలధిలొ నను ముంచితివి
ఊపిరి ఆడక నే మునకలేస్తే
వింతగ నవ్వుతు వినోదిస్తివి
నా తప్పిదములు మన్నించవయ్యా
నా దోషములిక క్షమియించవయ్యా
 నీవేదప్ప ఇతరులనెరుగను
నిన్నే దప్ప పరులను వేడను