రచన,స్వరకల్పన&గానం:రాఖీ
రాగం:వసంత

ఆత్మ రాధ పరమాత్మ కృష్ణ
తత్వమసి యే సంగమ తృష్ణ
బృందావనమే సకలభువనము
మురళీరవమే ఓంకార స్వనము
రాధామాధవీయం రమణీయం
రాసవినోదం కడుకమనీయం

1.నెరవేరని కలలు గోపికలు
తీరని కోర్కెలు అష్టభార్యలు
యమునా తీరము ఈ సంసారము
సాయంకాలము కర్మ పాకము
రాధామాధవీయం రమణీయం
రాసవినోదం కడుకమనీయం

2.తొలగించు వలువలు దేహచింతనలు
బిగికౌగిలులే ఆత్మైక్య సాధనలు
చుంబిత రసనలు సుధాసేవనలు
రమించు భావనలు పరసౌఖ్య యోగములు
రాధామాధవీయం రమణీయం
రాసవినోదం కడుకమనీయం