రాయబారాలు తగవు-బేరసారాలు తగవు
మీనమేషాలు తగవు-తక్షణ కర్తవ్యం ఒకటే తగవు
తెలంగాణ యువకుడా –తాత్సారాలు తగవు
విద్యార్థి తమ్ముడా-ఉద్యమాల చరిత్రలకు నీవేలే ఆద్యుడవు

1. చింతకాయలే రాలే మంత్రాలు వెయ్యాలి
దెయ్యాన్ని వదిలించగ చెప్పులనే వాడాలి
మంచిగ చెబితే వింటున్నార ఎవరైనా
గుణపాఠం నేర్పించగ నడుంకట్టు ఇకనైనా

2. అమ్మపాలు తాగి రొమ్ముగుద్దకూడదు
తిన్న ఇంటి వాసాలు లెక్కించకూడదు
ఆంధ్రవలసవారంతా జై కొట్టితీరాలి
తెలంగాణ తల్లికి తలలు వంచి మొక్కాలి

3. రోమ్ లో ఉండేవాళ్ళు రోమన్ లాకావాలి
క్షేమాన్ని కోరుకొని మనతొ మమేకమవ్వాలి
తమకోసం శ్రమవలదని ఆంధ్రులకి చెప్పాలి
తమకోసం భయమొద్దని ఆంధ్రులకి చెప్పాలి
సమైక్యవాదమింక సంక నాకి పోవాలి

4. స్థిరపడిన ప్రజలంతా ఆంధ్ర సంగతి మరవాలి
తెలంగాణ బిడ్డలమని కలలొకూడ తలవాలి
ఉద్యమాన పాల్గొని సంఘీభావం చాటాలి
జైతెలంగాణ అంటు గొంతెత్తీ పాడాలి