https://youtu.be/qqxaJ3kTXLc
నా మనసే కాశ్మీరు షాలువ బాబా
నిన్నంటిపెట్టుకుంటేనే దానికి విలువ
నా తలపే సాయి నీకు తలపాగా
నీ శిరసు చుట్టుకోవాలి అది నా జన్మ సార్థకమవగా
1. నా బ్రతుకే చిరుగుల కఫ్నీ బాబా
నువు ధరించి ఉద్ధరించు ఇకనైనా
నా జీవితమే భిక్షాపాత్ర సాయీ
అవధరించి స్వీకరించు ఇపుడైనా
నా ఆశలజోలె నీకు అంకితమోయీ
నీ భుజమున నన్నికపై మోయవోయి
2.నా అహమే కొబ్బరి కాయ బాబా
బ్రద్దలవని నీ ముందు యోగిరాజా
నా అరిషడ్వర్గములే సమిధలు సాయీ
భస్మమవగ ధునిలోన కాలనీయీ
పంచేద్రియాలను కట్టడిచేయవోయీ
అవి పంచహారతులై నీకడ వెలుగనీయీ
No comments:
Post a Comment