రచన,స్వరకల్పన&గానం:రాఖీ
రాగం:చంద్రకౌఁస్

నీ నడక చూసి హంస ఎంతొ నేర్చుకున్నది
నీ నడుముకు నెమలెపుడో సలామన్నది
కిన్నెరసానె విస్తుపోయెనీ వయ్యారానికీ
అలకనంద అలకచెందె చెలీ నీవొలికే వగలుకీ
మోము తిప్పకున్నమానె మోహించవచ్చునిన్ను
నీ హొయలుగని రెప్పలార్పలేకున్నది నా కన్ను

1.బిగుతైన రవికె వల్ల ఊపిరాగిపోవునేమొ
కట్టుకున్న కోకా ఎద తట్టుకోకపోవునేమొ
నీవే పూవని వాలే సీతాకోక చిలుకలు
నీ మేని స్వేదమే మధువుగా గ్రోలె తేనెటీగలు
గుభాళించు నీతనువుకు గులాబే గులాము
గాయపడిన హృదయానికి నీరూపే మలాము

2.మల్లియలే మనసుపడే నీ జడను చేర
పారిజాతాలె రాలె నీ అడుగుజాడలా
మందారవర్ణాలే  అందాలు చిందాయి నీ నఖాలనతికి
మువ్వల పట్టీలే గర్వంగా నవ్వాయి నీ పదాల ఒదిగి
నీ దేహ సౌష్ఠవమే  మునివరులకు శాపము
నీ అంగాంగము అంగనలకె పెంచేను తాపము