Ok

రచన,స్వరకల్పన&గానం:రాఖీ

పాపాలను తొలగించే శ్రీ వేంకటేశ
ఐశ్వర్యమునొసగేటి శ్రీశ్రీనివాసా
నరులను పరిపాలించే శ్రీ తిరుమలేశా
ఏమని నినుకోరను నన్నెరుగనివాడవా
అడిగిపొందలేనప్పుడు మదిసుమాలు వాడవా
జయ జయ జయ అలమేలు మంగా విభో
జయ జయ జయ పద్మావతీ సతిప్రభో

1.నిత్య కైంకర్యాలు బ్రహ్మోత్సవాలు
కనుల పండగే స్వామీ నీ వైభవాలు
తండోప తండాల భక్త సందోహాలు
మెండైన సేవలు నిండుగుండు నీలాలు
ఇంతటి ఈ సందడిలో నా సంగతి మరచెదవా
కొండలు కోవెల విడిచి నా గుండెన నిలిచెదవా
జయ జయ జయ అలమేలు మంగా విభో
జయ జయ జయ పద్మావతీ సతిప్రభో

2.వైకుంఠం వదలి వచ్చి తిరుపతిలో నిలిచావు
ఏడుకొండలెక్కిమరీ వేడ్కతోడ వెలిసావు
నను రమ్మని పిలునీకు రాగమే కనరాదు
నీకై మొహంవాచినా చూచుయోగమేలేదు
కనులుమూసుకుంటాను కనికరించి కనిపించు
ఉఛ్వాసనిశ్వాసలొ నీ నామమె తలిపించు
జయ జయ జయ అలమేలు మంగా విభో
జయ జయ జయ పద్మావతీ సతిప్రభో