రచన,స్వరకల్పన&గానం:రాఖీ

ఉత్తీర్ణత కలుగుటకు కృషి ఒకటేనా
విజయం సాధించుటకు రాచబాటేనా
నరాలు తెంచుకున్నా మిగిలేది కంఠ శోషే
అస్మదీయుడైతె సరి వడ్డించేవాడికెపుడు మనధ్యాసే

1.బలి దానాలతో కలనెరవేరింది
శోకాలే కాకులకు,గ్రద్దలకే ముద్ద దక్కింది
రంగులగొడుగుంటె చాలు ఏ ఎండైనా సమ్మతమే
సమీకరణ రణాల్లో పక్షమేదైనా పక్షపాతమే

2.స్వార్థమనే యజ్ఞానికి సామాన్యులె సమిధలు
రాజకీయ రంగంలో  ప్రజలేగా వంచితులు
అధికారం నేతలకు అనివార్యమైనదేగ
అంధకారం పౌరులకు  అలవాటైనదేగ

3.ఏకఛత్రాధి పత్యమే పాలన ఏలికలకు
గతమెంత వెతికినా దొరకదు పోలికలకు
కనీవినీ ఎరుగని అవకాశం నాయకత్వాలకు
జనసంక్షేమం మరవొద్దు జారిచేయు ఫత్వాలకు