రచన,స్వరకల్పన&గానం:రాఖీ
రాగం:చిత్తరంజని

నిన్ను ప్రేమించలేను-చెట్టపట్టాలువేసుకొంటూ
నీ వెంటపడలేను-బంధనాలు తెంచుకుంటూ
నా మదినే కోవెల చేసి నిన్ను ప్రతిష్ఠిస్తాను
దేవతగా ఆరాధిస్తూ బ్రతుకిలా గడిపేస్తాను

1.నీ అందం తరిగిపోయినా నా దృష్టిమారిపోదు
నీ వయసు ఉడిగిపోయినా అనురాగం మూగవోదు
మనసుల మధ్యన ప్రబలిన బంధం మనది
మరణం సైతం విడదీయని మిథునం మనది

2.దేహైక ప్రణయాలే ప్రేమకు పరమార్థమా
స్వప్నలోకాలలో మనమే మనలేమా
కోరుకున్న తక్షణమే నన్ను చేరుకుంటావు
పెదవి విప్పకుండగానే  నాలో లయమౌతావు