పెదవి మీది పుట్టుమచ్చ పెంచె దాహము
చేతిమీది పచ్చబొట్టు తెలిపె మోహము
కనుకలమే రాసెనెన్నొ ప్రేమలేఖలు
మూగసైగలే తెలిపే మనసు ఊసులు

1.ముంగురులే పంపసాగె మేఘసందేశము
బొటనవేలు నేలరాయు అభినివేశము
చీరకొంగు వ్రేలుచుట్టు తీపిబిడియము
తలవంచి మెలిచూపుల ఆహ్వానము

2.మూతివిరుపు ఎఱుకపరిచె మది ఆత్రము
అధరమదుర మధురమాయే మదన శాస్త్రము
గాలిమోసుకొచ్చింది నిట్టూర్పుల ఊష్ణము
ఓపలేని విరహానికి ఇంకేల సాక్ష్యము