అందరు నిదురోయాక-మేలుకొంటానేను
కవితలద్వారా జగతికి-మేలుకోరుతాను
ఎప్పుడూ కనుమూయని కవినే నేను
అర్దరాతిరైనా వెలిగే రవినే నేను

1.కడుపులొ ఒకటి బయటకు ఒకటి ఎరుగనివాడను
పర్యవసానం ఏదైనా కుండ బ్రద్దలుకొడతాను
ఇతరులు చూడని కోణంలో వెతలను చూస్తాను
విషయం ఏదైన ఎదలకు హత్తుకునేలా చేస్తాను
చైతన్యం జ్వలించే మిత్రుడనేను
అనునిత్యం సత్యం వచించే పవిత్రుడనేను

2.ఎడారి బ్రతుకుల ఎప్పుడు నిలిచే వసంతం నేను
మాటపెగలని మనుషుల తరఫున సమర శంఖం నేను
చిరుస్పర్శకే పులకించిపోయే చిగురాకునే నేను
ప్రశంసకే పొంగిపోయే పసి హృదయం నేను
అర్థంకానివారికి పిచ్చి మాలోకం నేను
పరమార్థం గ్రహించువారికి హాయిగొలిపే మైకం నేను