దిగబడింది గునపమల్లె
గుండెలోతుల్లో గులాబీముల్లు
మరులుగొంటి భ్రమరమల్లె
మధుర సుధలుగ్రోలు కాంక్షమీర
పూవూ తుమ్మెద బంధమేనాటిదో
రెంటి ప్రణయ బంధమే పాటిదో

1.సీతాకోకా చిలుకలతో పోటీ
తేనేటీగలా ధాటిని దాటీ
నల్లనైన తన ఆకృతి తోటి
ఝంకార సరాగాలె మీటి
ఆకట్టుకోవాలి అందాలవిరులను
రసపట్టు పట్టాలి మకరంద ఝరులను

2పంకజాల జాలం మత్తు మందే
పడమటి పొద్దు వాలకముందే
వదిలి వెళ్ళి తీరాలి కౌగిలి పొందే
తృటిపాటి జాప్యమైతె బ్రతుకుఖైదే
నొప్పింపకతానొవ్వక తప్పుకోవాలి
ఏగాయ మవకుండా ఎగరాలి సుమాలవాలి