రచన,స్వరకల్పన&గానం:రాఖీ

రాగం:మోహనం

చిరునవ్వుకు చిరునామా
ప్రతిస్పందనకే తగు ధీమా
స్నేహానికి  నిలువెత్తు రూపం
మానవతకు తానొక ఊతం
మోహనమే సదా మురళీ రవం
మురళీ మోహనుడే మా వరం

1.వినతులు విను కడు సహనం
పదవిని తలవని ఆ వినయం
ఓపిక కలిగిన అనునయం
ఆదరించెటి దయాహృదయం
మోహనమే సదా మురళీ రవం
మురళీ మోహనుడే మా వరం

2.క్రమశిక్షణకే ఒక నిదర్శనం
నిజాయితీకే ఇల తార్కాణం
విద్యుక్త ధర్మ నిర్వహణం
మన్ననలందే అంకితభావం
మోహనమే సదా మురళీ రవం
మురళీ మోహనుడే మా వరం