ఏంచేస్తున్నావో వేంచేయమంటుంటే
ఓపలేకపోతున్నా తాత్సారం చేస్తుంటే
ఎంతగనం బంధించనూ నా తలపులనూ
మూసివేసినావేలా నీ మదిగది తలుపులను
రమ్మంటె రావూ రమ్మనీ అననే అనవు
ఎలావేగనే నీతో లలనామణీ
ఎలాసాగనే నీతో కలహంసగామినీ

1.పొద్దుపొద్దంతా వద్దు వద్దు అంటుంటావు
అద్దరాతిరయ్యాక నిద్దుర చెడగొడతావు
కలనైనా నోచనీవే ముద్దూ ముచ్చట
కల్పనలో జతకావేమే ముద్దుగుమ్మ ఏపూట
ఎలావేగనే నీతో నా ప్రణయ లతిక
ఎలాసాగనే నీతో నా మధుర గీతిక

2.గాలి మోసుకొస్తుంది జాలితో నీ పరిమళం
వాన తీసుకొస్తుంది నీ స్పర్శా పరవశం
నీరెండ తలపిస్తుంది నీ కౌగిటి వెచ్చదనం
సింగిడే చిత్రిస్తుంది నీ వర్ణ సౌందర్యం
ఎలావేగనే నీతో నవ మోహనాంగీ
ఎలాసాగనే నీతో ఎదలోన కృంగీ