రచన,స్వరకల్పన&గానం:రాఖీ

రాగం:ధర్మవతి

షిరిడీ పతి సర్వదా గొనుము నా మానస పూజా
సాయినాథ కరుణజూడూ నను అన్యధా భావించకా

1.బుద్ధిలొ కొలువున్ననీకు జాగృతమిదిగో
సుప్రభాతమిదిగో
మనసులొ నెలకొన్న నీకు అభిషేకమిదిగో
క్షీరాభిషేకమిదిగో
నా హృదయ కమలముతో అర్చనలిదిగో
అనంత నామార్చనలిదిగో
నా పంచ ప్రాణాధీశా హారతులందుకో
పంచ హారతులందుకో

2.నా చిత్తము చిరుగుల కఫినీ ధరించవయ్యా
అవధరించవయ్యా
నా అహంకారమే రుమాలు ఒడిసిపట్టవయ్యా
నీ తలకు చుట్టవయ్యా
నా ఆశలజోలె ఎంతొ పెద్దది భుజాన తగిలించవయ్యా
నింపడమే నీ పనయ్యా
నా ఊహల పల్లకీ అందమైనది అధిరోహించవయ్యా
వాస్తవీకరించవయ్యా