రచన,స్వరకల్పన&గానం:రాఖీ

ఏమంటారో ఏమో దీన్నీ
ప్రేమే అంటారేమో
చూసీచూడంగానే నిన్నూ
నా సొంత మనిపించ సాగావే
నీ కళ్ళలో ఇల్లు కట్టుకోవాలనీ
నీ  మదిలో కాపురమెట్టుకోవాలనీ

1.పుట్టిబుద్దెరిగిన నాటినుండీ
అందగత్తెలనెందరినో చూసానే
మీసకట్టు వచ్చిన ఈడునుండీ
మాటవరసకైనా మనసు జారలేదే
ఏ స్వప్నమందూ ఎదతలుపు తట్టావో
ఈ జన్మలోనూ నా కొరకే పుట్టావో

2.ఆకలి అసలే కాదెందుకో
నీతో ఓ మాటైనా మాటాడకుంటే
కునుకైనా కంటికి రాదెందుకో
రోజుకోమారైనా నిను చూడకుంటే
నువు కాదంటే ఈ బ్రతుకే చేదంటానే
నువు లేక నా భవితే లేదంటానే