రచన,స్వరకల్పన&గానం:డా.రాఖీ

ఏడేడు లోకాలు నీకళ్ళలో
ఎన్నెన్ని వర్ణాలు చెక్కిళ్ళలో
కడతేరిపోతాను కౌగిళ్ళలో
ముగిసిపోతేమి బ్రతుకు మూన్నాళ్ళలో

1.సమయమెంత దొరికిందో కరోనా మిషవల్ల
తేరిపార చూస్తున్నా సుందరినీ తనువెల్లా
కవితలెన్నొ  రాస్తున్నా కవినైనా కాకున్నా
చూపులతొ చిత్రాలెన్నో చిత్రంగా గీస్తున్నా

2.చేజారిన కాలమంతా తిరిగి ఏరుకుంటున్నా
నీ ఎడల నిర్లక్ష్యానికి దండుగనే చెల్లిస్తున్నా
చేదోడువాదోడై బాధ్యతగా ఉంటున్నా
ఏడాది పండుగలన్నీ ఇపుడె చేసుకొంటున్నా