రచన,స్వరకల్పన&గానం:డా.రాఖీ

రాగం:హిందోళం

కరోనా అంటే  మన జనాలకు ఒక కల'రా
కరోనా అన్నది మన మూర్ఖులకు కల్పనరా
దేశవ్యాప్త లాక్ డౌన్ పెద్ద జోకురా
ఇంటిపట్టునుండమంటె ఎంతడోకురా
ఎవరుచెపితె ఎక్కుతుంది ఈ మూఢులకి
ఎలాచెపితె ఎరుకౌతుందో ఎర్రిమొర్రోళ్ళకి

1.రోజువారి పనులన్నీ యథావిధిగ చేసేరు
రోడ్డుమీది కొద్దంటే వింతగ వాదించేరు
చావులంటె ఎవరికీ ఏమాత్రం లెఖ్ఖలేదు
కర్ఫ్యూ ను పెట్టినా కాస్త ఖాతరైనలేదు
ఎవరుచెపితె ఎక్కుతుంది ఈ మూఢులకి
ఎలాచెపితె ఎరుకౌతుందో ఎర్రిమొర్రోళ్ళకి

2.మొకానికైతె నేమోమాస్కన్నదె ఉండదు
శానిటైజర్ పేరైనా తెలియనే తెలియదు
పరిశుభ్రత అన్నది ఇంటా వంట లేదు
మనుషుల మధ్యన దూరం మాటవరుసకైన లేదు
ఎవరుచెపితె ఎక్కుతుంది ఈ మూఢులకి
ఎలాచెపితె ఎరుకౌతుందో ఎర్రిమొర్రోళ్ళకి