రచన,స్వరకల్పన&గానం:డా.రాఖీ

అల్లా అల్లా అల్లా -సద్బుద్ధినివ్వు మా కెల్లా
ప్రభువా జీసస్ క్రీస్తు-కలిగించు మాకు శ్రీరస్తు
శ్రీరామచంద్ర మూర్తి-తీర్చవయ్య మా ఆర్తి
జగమేలే  పరాశక్తి-ప్రసాదించవే-కరోనానుండి  విముక్తి

1.హితము కూర్చగ ప్రతి మతము
జనతకు ఎంతో సమ్మతము
మానవతను కోరే అభిమతమూ
ఈ సృష్టికంతటకీ మహితము
సాటి మనుషులతొ సఖ్యత గలిగి
సాగించేదే ఉత్తమ జీవితం
ప్రతి మత గ్రంథం బోధించేది
మనిషి మనిషిని ప్రేమించడం

2.మూడునాళ్ళ బ్రతుకులోనా
విద్వేషాలకు తావేల
పుట్టుక చావు అందరికొకటే
మంచిగ మెలగవు నీవేల
నెత్తురులోనా భేదమెక్కడిది
మతమును తెలిపెడి సూచికగా
గంగా జమున సంగమించవా
మేధనుమార్చకు పాచికగా