రచన,స్వరకల్పన&గానం:డా.రాఖీ

కత్తిమీద సామురా కలికితో స్నేహము
పులిమీద స్వారిరా పడతితో చెలిమి
ఎప్పడెలా పరిణమిస్తుందో
ఏ మలుపు తిరుగుతుందొ
అత్తిపత్తిలాగా ఎంచరా సోదరా
ఉత్తి తోలుతిత్తిగ భావించరా

1.అందమనే వెలుగు శిఖన-శలభమల్లె మాడిపోకు
తామర రేకుల మధ్యన-భ్రమరమోలె చిక్కుబడకు
మోహమనే పాశానికి నువు కట్టుబడకు
వలపుల మాయల వలలోన పట్టుబడకు

2.పట్టించుకోకున్నా ఆకట్టు కొంటారు
తపసుచేసుకుంటున్నా భంగపరుస్తుంటారు
చొరవగ ఉన్నారనీ సొల్లుకార్చుకోకురా
చనువునిచ్చారనీ చంకనెక్కబోకురా