రచన,స్వరకల్పన&గానండా.రాఖీ

కొప్పునిండ మల్లెపూల గుత్తులున్నవి
గుప్పుమంటు అత్తరే మత్తుగొలుపుతున్నది
చిత్తైపోయింది ఈ శ్రీవారి చిత్తము
ఆత్రపు ఆర్తిని తీర్చగ శ్రీమతీ నీ చిత్తము

1.తొలినాటి మధుర స్మృతులు తట్టిలేపుతున్నవి
నీ సిగ్గు దొంతరలు గురుతుకొస్తున్నవి
అందించిన పాలరుచి తపన పెంచుతున్నది
గ్రోలిన మకరందముకై  పెదవి గోలచేస్తున్నది

2.ముడివీడని కోకముడులు మూలబడిన సంగతి
తడియారని పరువాలు పోగొట్టెకదా ఉన్నమతి
తెరుచుకున్న తలుపులతో స్వర్గమే స్వాగతించె
అమృత ధార రసన జేర అనుభూతే పరవశించె