నరుడే హరుడని భావించాలి
మానవుడే మాధవుడని సేవించాలి
మానుష జన్మ దుర్లభమే సార్థకతను పొందాలి
తరిస్తూ తరింపగజేస్తూ బ్రతుకు చరితార్థం కావాలి

1.కామం దరిరాదు ఉన్నంతలొ తృప్తిపడితె
కోపానికి తావులేదు క్షణకాలం యోచిస్తే
లోభం నిరర్థకం దేహమూ వదిలేదనితోస్తే
ఎప్పుడూగెలుపునీదే లోపలి శత్రువులను హరిస్తే

2.మోహం మించదు వైరాగ్యం బోధపడితె
మదమే హెచ్చదు విశ్వరచననే గ్రహించితే
మత్సరం కుత్సితం ప్రయోజనరహితమే
తప్పటడుగువేయవు కాలం విలువ నెరిగితే