రచన,స్వరకల్పన&గానం:డా.రాఖీ

స్నేహమంటె నాకెంతో  వ్యామోహం
నేస్తాల అంతరంగమంతా అనురాగం
ఏ ప్రేగు బంధం లేకున్నా రక్త సంబంధం కాకున్నా
అనిర్వచనీయమీ అనుబంధం
చిత్రమేసుమా మైత్రీబంధం-మన మైత్రీబంధం

1.ఏ గాలి కలిపిందో ఏ వేళ కలిసిందో
ఏ తీరు నచ్చిందో ఎదలోకి చొచ్చిందో
బలీయమైపోయింది బాంధవ్యం
అనంతమై సాగుతుంది ఈ పయనం
అనిర్వచనీయమీ అనుబంధం
చిత్రమేసుమా మైత్రీబంధం-మన మైత్రీబంధం

2.అద్దమల్లె మనవన్నీ స్పష్టంగా తెలుపుతుంది
కనబడని మనవెన్నే  కంటికి చూపెడుతుంది
పరకాయ ప్రవేశమే చెలిమికెపుడు తగు అర్థం
పరసువేది తత్వమే సఖ్యతకు పరమార్థం
అనిర్వచనీయమీ అనుబంధం
చిత్రమేసుమా మైత్రీబంధం-మన మైత్రీబంధం