రచన,స్వరకల్పన&గానం:డా.రాఖీ

ఎంతగానో  మాకిష్టం -భక్షభోజ్యచోష్యలేహ్యాలు
భోజన ప్రియులకు ఆత్రం పంచభక్ష పరమాన్నాలు
లొట్టలేస్తు లాగించేస్తాం షడ్రసోపేతాలు
నోరూరించే కమ్మనైన తినుబండారాలు

1..నలభీమపాకమైతే చెప్పడానికేముంది
నేతి తీపి మిఠాయిలైతే రసన మురిసిపోతుంది
ఆవకాయ గోంగూరతో అదరహో ప్రతిపూట
అప్పడాలు వడియాలుండగ అదేకదా పండగ

2.అతిథిలాగ వచ్చేస్తాం తృప్తిగా భోంచేస్తాం
అమ్మలా ఆదరిస్తే కొసరికొసరి వడ్డిస్తే
ఆయాసమొచ్చేదాకా కడుపారా తింటాం
అన్నదాతా సుఖీభవా అంటూ దీవిస్తాం