బోర్ కొడుతోంది రొటీనైన జీవితం
ఉల్లాసమే కోల్పోయిందీ మానసం
గానుగెద్దులా అదే గాడిలో
తిరుగాడి తిరుగాడి
పాసుపండ్ల పాటగాడిలా
పాడిందే పాడి పాడి

1.ఉబలాటం అన్నదే మరుగయ్యింది
గోప్యతలేని మార్మికాలే కనువిందవగా
ఆరాటం అన్నదే కరువయ్యింది
అడగముందే అవసరాలే ఈజీగ పొందగా
వినోదాలు అరచేతిలో ఆడుతుండగా
అనుబంధాలు విలువలనే వీడుతుండగా

2.చెమటోడ్చే తత్వమే  బాధయ్యింది
వక్రమార్గాల తక్కువ శ్రమకే సంపద చేరగా
ఎదురుచూపులో తీపంతా చేదయ్యింది
ఇన్స్టంట్ గా కోరినవన్నీ ఇట్టే నెరవేరగా
మనీకి మనిషికి వాల్యుయే మృగ్యమవగా
ఎవరికివారే యమునతీరే దౌర్భాగ్యమవగా