రచన,స్వరకల్పన&గానం:డా.రాఖీ

అల వల కల శిల బోధకులే
చెట్టు మెట్టు గుట్ట పిట్ట ఉపదేశకులే
మనిషి నడవడికి మార్గ దర్శకులే
చక్కనైన పరివర్తనకు నిర్దేశకులే

1.పట్టుదలను ప్రతిబింబించును అల
గుట్టుగా పట్టుకొనుటకు ప్రతీకయే వల
గాలిమేడలెప్పటికీ కూలేనంటుంది కల
శిల్పంగా మలుచుకొమ్మని చెబుతుందీ శిల

2.త్యాగాన్ని నేర్పుతుంది ప్రతిచెట్టు
విజయాన్ని చేర్చుతుంది ఒక్కోమెట్టు
స్థైర్యాన్ని సూచిస్తుంది చెదరని గుట్ట
బ్రతుకునెలా ప్రేమించాలో తెలుపుతుంది పిట్ట