కుటుంబ నావకు నావికుడు
సంతతికంతా నాయకుడు
అలుపెరుగని అసలైన శ్రామికుడు
తెర వెనకన నడిపించే దర్శకుడు
నాన్నేగా  ఆదర్శ పురుషుడు
నాన్నేగా  భవితకు మార్గదర్శకుడు

1.అవసరాలు నెరవేర్చే ఏటియం కార్డు
అనుక్షణం కంటి రెప్పలా కాచుకునే గార్డు
దారితెన్ను చూపించే కూడలి డైరెక్షన్ బోర్డు
దైవమే కనికరించి మనిషికొసగిన రివార్డు
నాన్న అల్లావుద్దీన్ దీపం
నాన్న బయటపడని ప్రేమరూపం

2.సింహాలను ఆడించే రింగ్ మాస్టర్
తప్పులన్ని మన్నించి చెరిపే డస్టర్
ఆపదలను పసిగట్టే పవర్ టెస్టర్
ఎప్పుడూ మద్దతు తెలిపే ఎనర్జి బూస్టర్
నాన్నంటే పంచప్రాణాలు
నాన్నవెన్నంటే  ప్రయాణాలు