ముక్కలు చేసినా రాదు చప్పుడు
పిడికిట నొక్కినా ఉంటుంది గుప్పెడు
మంటబెట్టి మసిచేసినా కత్తిబెట్టి కోసేసినా
నీకోసమే కొట్టుకుంటోంది నా గుండె
నీ నామమే జపిస్తూ మిన్నకుండె

1.ఎవడుకనిపెట్టాడో గాని ప్రేమ అన్న ఈ పదాన్ని
ఎలా అంటగట్టాడో ఏమో లలనతో అనుబంధాన్ని
వ్యాపకాలన్నిటికీ తిలోదకాలిచ్చేలా
వ్యామోహపు వలలోనా పడిచచ్చేలా
మధురమైన ప్రణయానా ఈ మరణయాతన
తగదునీకు నెచ్చెలీ దూరమౌట జీవితాన

2.నారి మనసు మర్మమేదో హరికైనా తెలియదంట
పడతి యోచనేంటో పరమేశ్వరుడెరుగడంట
మాయలోడి ప్రాణం చిలుకలోనా
నా పంచప్రాణాలు నీ పలుకులోనా
ఔనని మననీయి నీపాద దాసునిగా
అందాల చేయందీయి పడిఉంటా బంధీగా