https://youtu.be/SM5s3sOrcJ8?si=9Oqn5VEqWkvpgsrU

రచన,స్వరకల్పన&గానం:డా.రాఖీ

రాగం:భూపాలం

హాయిగొలుపు శ్రీ నరహరి సుప్రభాతం 

ధర్మపురి జనులకది అనునిత్య జాగృతం

మబ్బుననే మేలుకొని గోదారికి పయనం

స్నానానుష్ఠాలతొ ప్రతి దినం పావనం

మదినూయలనూపుతాయి మాఊరి(ధర్మపురి) జ్ఞాపకాలు

మధురానుభూతులతో కూడుకున్న వైభవాలు

(రాగం:మోహన)

1.ఆండా గాగిరుల నిండ స్వఛ్ఛమైన నదీజలం

దారంతా పలుకరిస్తు పరుల కుశల ప్రస్తావనం

ఇల్లుచేరి పూలు వత్తులతో మందిరాలకు చనడం

నరహరి హర బ్రహ్మలను ఆర్తి మీర అర్చించడం

ప్రదక్షిణాలు చండీలు సాష్టాంగ ప్రణామాలు

స్తోత్రాలు కీర్తనలు వేదోపనిషత్తుల పారాయణాలు

(రాగం:షణ్ముఖ ప్రియ)

2.పొద్దస్తమానం తమతమ పనులలో మునగడం

పురాణాలు హరికథలు ఇష్ఠాగోష్ఠుల మాపు గడపడం

పండుగలు పబ్బాలు బోయనాలు వాయనాలు

ప్రతి రోజూ ఉత్సవాలు ఆధ్యాత్మిక అనుభవాలు

నోములు వ్రతాలు దంపతీ సహితమైన ఆతిథ్యాలు

దానధర్మాలు ఆచార సంస్కృతీ సంప్రదాయాలు

(రాగం:సింధు భైరవి)

3.ఊరంతా బంధువులు పరమతాల స్నేహితులు

పెండ్లి పేరంటాలకు సకల జనులు ఆహూతులు

రుద్రాభిషేకాల వాడవాడ శివ పంచాయతనాలు

బతుకమ్మల ఆటలు  పీర్లు లాల్ సాబులు

జమ్మిపత్రాల దసరా ఆలింగనాలు అభివాదాలు

కడతేరాలి ధర్మపురిలో మాజీవితాలు జన్మజన్మలు