రచన,స్వరకల్పన&గానం:డా.రాఖీ
రాగం:దర్బార్ కానడ
పటాపంచలే చేయి సాయి
మా అజ్ఞాన తిమిరము
మనస్థైర్య మందించవోయి
నెగ్గునటుల బ్రతుకు సమరము
సాయిరాం షిరిడీ సాయిరాం
సాయిరాం ద్వారకమాయి రాం
1.కులమతాల నంటగట్టు నీకో గిరిగీసిపెట్టు
కుంచితమౌ మనోభ్రమలు మావి
మనిషివో దేవుడివో మర్మమునే ఎరుగనట్టి
సంచితమౌ దుష్కర్మలు మావి
సాయిరాం షిరిడీ సాయిరాం
సాయిరాం ద్వారకమాయి రాం
2.నమ్మిక తక్కువ భయమే ఎక్కువ
దైవమంటె మా మదిలో భావము
వంచనలే మించిపోయి లంచాలే వ్యసనమై
ప్రాయశ్చిత్తమటుల నీ శరణము
సాయిరాం షిరిడీ సాయిరాం
సాయిరాం ద్వారకమాయి రాం
No comments:
Post a Comment