రచన,స్వరకల్పన&గానం:డా.రాఖీ

ఎన్ని కలాలు రాస్తాయో నిన్నుచూడగానే
 కలలెన్నెన్ని వెలుస్తాయో నువ్వు చూడగానే
 ఎలా వర్ణించాలో ఎప్పుడూ తికమకనే
కుదించి చెప్పడానికి గీతికైతె సతమతమే

1.కలువరేకులైతే నీ కన్నుల బోలు
కృష్ణవేణిపాయలే నీకురుల చేవ్రాలు
కనుబొమలు మాత్రం మన్మథుడి విల్లు
మేను మేనంతా వెన్నెలఝరి పరవళ్ళు

2.ఏ శిల్పి చెక్కాడో చక్కనైన నీ ముక్కు
ఎంతటివాడైనా నీ నవ్వుల వలలో చిక్కు
అనిమేషులమౌతామే నిశ్చలమై మాదృక్కు
చుబుకాన పుట్టుమచ్చా లాగుతుంది తనదిక్కు