రచన,స్వరకల్పన&గానం:డా.రాఖీ

గుండె ఉన్నవాళ్ళకే నొప్పి వస్తుంది
మనసు ఉన్నచోటనే ప్రేమ పుడుతుంది
బండారాయికేముంటుది ఆకారం అస్థిత్వం
చెక్కితే విగ్రహమై మొక్కబడుతుంది
తొక్కితే తొక్కుడు బండగ కడతేరుతుంది

1.అనుభూతులెన్నో పేర్చి నిర్మించా ప్రణయ సౌధం
స్వప్నాలను సమీకరించి ప్రకటించా అనురాగం
తుఫానులో చిక్కింది సహచర్య నావ
శిథిలమైపోయేలా బ్రతుకునే చేసినావ
ఆరాధన ఫలితం చివరకు ఆవేదనేనా

2.పరాచికమై పోయింది  వలపు నీకు కేళి
చిరాకైపోతోంది  నీ వ్యవహార సరళి
కాలరాచివేయకే మనవైన గురుతులను
నేలపాలు చేయకే మన భవితలను
మించిపోయిందిలేదు ఇకనైనా మేల్కొంటే