రచన,స్వరకల్పన&గానం:డా.రాఖీ

చరమగీతం పాడుతోంది ధరణీతలం
మన నరజాతి సమస్తం మృత్యుదూత బాధితులం
తర్కించకు నేస్తమా మనం వెక్కుతున్న వెతలం
చితికిన బ్రతుకులతో చితికి చేరుకొనే కతలం

1.ఎటుచూడు కరోనా మృత్యు పాశమౌతోంది
ఏమరుపాటైతే మరణశాసనం రాస్తోంది
ఆరోగ్యవంతుణ్ణీ రోగిగా మారుస్తోంది
శుభ్రత పాటించకుంటే ప్రాణాల్ని కబళిస్తోంది

2.పదే పదే గుర్తు చేసినా ఏ మాత్రం చికాకుపడకు
అదే పనిగ హెచ్చరించినా బేఫికరుగ వ్యవహరించకు
కరోనా కోరల చిక్కక మూసుకోర ముక్కూమూతి
భౌతిక దూరం జరుగుతు తప్పించుక తిరుగర సుమతి

PIC courtesy:Agacharya Artist