రచన,స్వరకల్పన&గానం:డా.రాఖీ

నా హృదయం గులాబీ నీకే సొంతం
ప్రేమతో అర్పించా ప్రియా కాస్త పదిలం
గుచ్చుకోనీయనీకు వాడైన ముళ్ళను
రాలిపోనీయకునా సుకుమారపు రెక్కలను

1.చూపు తిప్పుకోనివ్వదు నా అందం
అడుగుకదపనీయదు నా సుగంధం
ఎంతమంది కోసుకో జూసినా
యత్నాలెన్నో నాకై చేసినా
ముడుపుకట్టి ఉంచానీకై నా సోయగాన్ని
అదను చూసి అందించా నీకే పరువాన్ని

2.కంటగించుకొన్నాను తుంటరివారిని
కంటకాలతో వారికి చేసితి గాయాలని
పూలమనసు నీకు తెలుసనీ
జాలిగొన్న ఎద నీదనీ
ధారపోసినాను నీకై  ప్రాణాలని
అంకితమిచ్చాను నా జీవితాన్ని