రచన,స్వరకల్పన&గానం:డా.రాఖీ

నేస్తమా నీకిదే నా జోలపాట
మిత్రమా నీకిదే నా లాలిపాట
గందరగోళంలో కొట్టుమిట్టాడేవు
ఉత్తుత్తి ఒత్తిడిలో చిత్తడి అయ్యేవు
ఆదమరచి సేదదీరు రేయంతా హాయిగా
నిదురలోకి జారుకో అమ్మ ఒడే యాదిగా

1.ఆటుపోట్లే నీకు గ్రహపాటు తీరే
అడుగడుగు వంచెనలె రివాజుగా మారె
బెదరబోకు నేస్తమా బేలగా మారి ఇలా
కలతయేల మిత్రమా బాలలా ఈ వేళా
ఆదమరచి సేదదీరు రేయంతా హాయిగా
నిదురలోకి జారుకో అమ్మ ఒడే యాదిగా

2.భూతకాలము నిన్ను భూతమల్లె వేధించె
అనుకోని ఘటనలు నీడలాగ  వెంటాడె
మరచిపో గతమంత  దుఃస్వప్నమల్లే
చెలగిపో తెగువతో  లేకున్న బ్రతుకు లొల్లే
ఆదమరచి సేదదీరు రేయంతా హాయిగా
నిదురలోకి జారుకో అమ్మ ఒడే యాదిగా

3.కానున్నదేదీ కాకుండా మానదుగా
జరిగేది తప్పక జరిగే తీరునుగా
వదిలేయడం మనకు సులువైన సాకే
నిశ్చింత తోడైతే  నిమిషంలొ కునుకే
ఆదమరచి సేదదీరు రేయంతా హాయిగా
నిదురలోకి జారుకో అమ్మ ఒడే యాదిగా