రచన,స్వరకల్పన&గానం:డా.రాఖీ

ప్రేమో ఏమో తెలియని వేళ
నాఎదలో చొరబడినావు
చాపక్రింది నీరులాగా
మెదడే ఆక్రమించినావు
చేరువలోనే ఉన్నాగాని
చేరలేని దూరం మన మధ్య
నీవేలేకా చెలీ నా చెలీ 
లోకమంతా ఒక మిథ్య

1.ఎవరినడిగి నాకు ఎదురుపడిపోయావో
ఎందుకు నా జీవితంలో అలజడిరేపావో
నా బ్రతుకు నన్ను బ్రతకనీవేమే
అనుక్షణం తలపులతో నను చంపుతున్నావే
ఊరించడం నీకు సయ్యాటాయే
వేధించడం నీకు అలవాటాయే

2.ప్రేమా దోమా అంటూ గేలిచేసినావు
ఉబుసుపోక నన్ను వాడుకొన్నావు
తీరా నా ప్రేమ తెలిపితే తప్పించుక తిరిగావు
నిను నమ్మి మనసు విప్పితే ఈసడించుకున్నావు
ప్రణయమంటె నీకు నవ్వులాటనా
పరిణయం అంటేనే బొమ్మలాట నా