కొండమీద వెదికాను-కోనలోన శోధించాను
గుడిలోను బడిలోను గాలించినాను
కనుగొంటినీ నీ ఆచూకిని-నా గుండెలో నీ ఉనికిని
వందనాలు గొనుమమ్మా వేదాగ్రణి పారాయణి
1.నా గళమే నీ ఆసనమై-నా కలమే నీ వాహనమై
నా భావం నీ సంభవమై- నా వర్ణం నీ రూపమై-
వరలుతున్నావే వరవీణా మృదుపాణీ
వందనాలు గొనుమమ్మా వేదాగ్రణి పారాయణి
2.నా ఊపిరి నీ అస్తిత్వం-నా తపనే నీ తత్వం
నా నివేదనే రాగమై -నా సాధన నీ యోగమై
చెలఁగుతున్నావే సామప్రియా సరస్వతీ
వందనాలు గొనుమమ్మా వేదాగ్రణి పారాయణి
No comments:
Post a Comment