రచన,స్వరకల్పన&గానం:డా.రాఖీ

కలత చెందనేల ఆనందం లేదని
దిగులే ఆవరించిన చోటేది అనుమోదానికి
వెదకడం ఎందుకని ఆహ్లాదమేదని
కొలువుందిగా నీ మదిలొ  దేవులాట దేనికని
ఆనందపడటం అన్నది నిత్యసాధన
ఉన్నదాంతొ తృప్తి పడితే దరికిరాదు వేదన

1.మెట్టవేదాంతం కాదు సంతృప్తి అన్నది
తృప్తి వల్ల ఆగిపోదు ప్రగతి అన్నది
కృషి శ్రమ సంకల్పంతోనే కలుగుతుంది వికాసము
అభ్యున్నతి వల్లనే ఒనగూరును సంతసము
ఆనందపడటం అన్నది నిత్యసాధన
ఉన్నదాంతొ తృప్తి పడితే దరికిరాదు వేదన

2.నొప్పి బాధ దుఃఖాలన్నవి అత్యంత సహజమే
సుఖమైనా దుఃఖమైనాదేహగతమైనవే
ఉద్వేగం ఉద్రేకం పరిపక్వరాహిత్యం
నిరామయ స్థితప్రజ్ఞతే పరిపూర్ణ వ్యక్తిత్వం
ఆనందపడటం అన్నది నిత్యసాధన
ఉన్నదాంతొ తృప్తి పడితే దరికిరాదు వేదన