రచన,స్వరకల్పన&గానం:డా.రాఖీ

శుభరాత్రి ప్రియతమా కలలోకి స్వాగతం
మనమైత్రి సాక్షిగా కలవాలి ప్రతిదినం
దూరాలు భారమాయే ఇలలోనా
మనసులే చేరువైన తరుణాన

1.నిదురే మన కలయిక వేదికగా
నేనే కృష్ణుడు నీవే రాధికగా
నను సేదతీరనీ నీ ఊహల కౌగిలిలో
అదమరచిన పసిపాపగ నీ ఒడిలో

2.దేహాలు దగ్ధమైన అద్వైతస్థితిలో
ఆత్మలేకమౌ దివ్య సంగమ గతిలో
మరణిద్దాం మళ్ళీ మళ్ళీ మళ్ళీ మళ్ళీ
ఆనందించేందుకు మళ్ళీమళ్ళీ తుళ్ళీతుళ్ళీ