గంగాధరా జటాధరా
భోళాశంకరా గరళ కంధరా
అవలీలగ కనికరించె పరమదయాళా
నీలీలలు అద్భుతమే భళా భవా భళా

1.భగీరథుని మనోరథం మన్నించినావు
ఆకాశగంగనే జటనుంచి కురిపించావు
గాండీవి గర్వాన్ని అణిచివేసినావు
పాశుపతాస్త్రమునే ప్రసాదించినావు
అలవోకగ పరికించే చంద్రకళాధరా
అలవిమాలిన ప్రేమ  ప్రసరింతువురా

2.మార్కండేయుని  ఆశీర్వదించావు
మృత్యుంజయుడనీ అనిపించావు
శ్రుతిర్మాత లయః పితగ గీతమువైనావు
సంగీతనాట్య శాస్త్రాల మూలకర్తవైనావు
మధురగాత్రమొసగేటి మహాదేవా
నా గళమున వసియించు సదాశివా