రాగం:ఉదయ రవి చంద్రిక

ఆచితూచి అందాలు రంగరించి
అపురూప వర్ణాలు మేళవించి
కొసరి కొసరి మెరుగులెన్నొ చిలకరించి
ప్రావీణ్యమంతా ప్రదర్శించి
కొలతలు తగురీతిగ అమరించి
నెలతా నిను సృజించాడు విరించి

1.వెన్నెల వెన్న లు ఏర్చికూర్చి
మేలిమి పుత్తడిని కరిగించి
శ్రీగంధం మకరందం సాధించి
పాలను పుష్పాలను మధించి
పోతపోయ తగువిధంగ సవరించి
నెలతా నిను సృజించాడు విరించి

2.సప్తస్వరాలు గళమున ఒదిగి
నవరత్నాలే నవ్వుల పొదిగి
ఇంద్రధనుస్సే మేని వంపై ఇల దిగి
పొంకాలన్నీ పోటీపడి ఎదిగి
వర్ణించలేనట్లు నీ సౌరు వివరించి
నెలతా నిను సృజించాడు విరించి